Mad About Mags

Kung ang iba ay nangongolekta ng fashion magazines, iba ang kinokolekta ko. May mga bago na akong kinahuhumalingan ngayon: Utne, Spin saka Women Who Rock. Tungkol sa Utne, nakuha ko lang ito sa dalawang orgmates na lagi kong binibisita ang blog. Yung dalawa namang music-related mags ay natiyempuhan ko sa book sale sa Greenhills. I'm sure marami pang magagandang mags. Kuntento na ako sa mga back issues. Ang mamahal kaya! For P15-P35, masayang masaya na ako. Kaya pag me nakita kayong mga copies, ibigay nyo na lang naman sa akin o!

Sampler: Ang isang natatandaan kong nabasa sa Utne ay yung US Presidential Election '04 special issue nila. Tinalakay doon yung profile ng voters at sino most likely ang iboboto nilang presidente. Kung ikaw ay single woman, sino'ng iboboto mo? Sino'ng mas papaboran ng mga migrants?

Maganda rin siguro kung may ganoong mga datos dito sa atin. Hindi ko alam ang extent ng information na makukuha sa COMELEC kasi never pa akong nakakaboto (Bad!). Maganda rin yung reports ng PCIJ kung saan sinabi nila na mas maraming women voters kesa men. Meron na kayang mga sectoral na pag-aaral sa voting patterns? Maganda siguradong tingnan yun.

Ang problema rin kasi sa eleksyon natin, hindi naman labanan ng plataporma kundi popularidad at financial machinery. Sa States, pag Democrat ka, pinaglalaban mo ang Medicare at iba pang social services. Pag Republican, conservative. Ewan ko rin lang. Alam ko hindi sapat yang simpleng depinisyon ko. Kailangan ko pang magbasa-basa.